Унгарија, која беше последната земја од ЕУ чија амбасада во Дамаск продолжи со работа, објави целосна евакуација на дипломатскиот персонал од сирискиот главен град.
Според соопштението на унгарското Министерство за надворешни работи, одлуката е донесена поради „критичната ситуација“ во Дамаск.
Останатите држави од ЕУ ги повлекоа своите дипломатски мисии од Сирија уште пред неколку месеци.
Пред два дена претставништвото на ОН, исто така, донесе решение да ги евакуира своите соработници од Сирија поради неможноста да им гарантира безбедност.