Веднаш штом стана претседател, Доналд Трамп ги отповика сите амбасадори именувани од администрацијата на Барак Обама.
Трамп побарал амбасадорите веднаш да ги напуштат функциите, без одлагање.
Од неговиот тим соопштија дека нема да има исклучоци за амбасадорите кои бараат продолжување на мандатот, дури и за амбасадорите со мали деца.
Оваа одлука се однесува на амбасадори поставени во 80 држави, во агенции или специјални мисии.
Поради оваа одлука САД би можеле со месеци да останат без амбасадори во многу држави со кои имаат чувствителни односи како што се Германија, Велика Британија, Канада, Кина, Индија, Јапонија и Саудиска Арабија.
Одлуката не ги опфаќа амбасадорите кои се во балканските земји.