Европската синдикална конфедерација (ETUC) и трите европски сојузи – Европската федерација на синдикатите од јавниот сектор (EPSU), Европската федерација на индусктриски синдикати (IndustriAll Европа) и Европската федерација од земјоделија и прехрана (EFFAT) изразија длабока загриженост од конфликтот меѓу раководството на ССМ и неговите четири грански синдикати – Агро Синдикатот, СУТКОЗ, СИЕР и УПОЗ.
– Многу сме загрижени од информациите кои ги добивме во последните неколку денови, за продлабочување на кризата во ССМ, која започна со обидот на Советот да го отповика Претседателот на ССМ и продолжи со исклучување на четирите синдикати од Сојузот и консенквентно со исфрлање од нивните канцеларии во зградата на ССМ, велат од Европската синдикална конфедерација.
Тие сметаат дека ова е штетно за македонското синдикално движење за кое треба да се изнајдат подобри начини за разрешување на контроверзните внатрешни проблеми, на транспарентен и демократски начин, без насилство и со меѓусебно почитување.
– Ве поттикнуваме веднаш да ги запрете овие ескалирачки борби и да не си попречувате еден на друг во извршувате на синдикалните акивности. Ова значи дека Ве повикуваме веднаш да воспоставите статус кво и да се воздржите од било какви активности од денес па натаму, пишува во соопштението на ЕСК.
Од таму предлагаат одржување на заеднички состанок со делегација од ЕСК и европските синдикални федерации во Македонија каде ќе се разговара за можните решенија имајќи ги во предвид Европските вредности и заложби кои се прифатени при пристапувањето кон ЕСК и Европските синдикални федерации.
– Ние сме во контакт со Меѓународната синдикална конфедерација (ITUC) и разговараме за можноста и преставници од ITUC да се вклучат во мисијата, или да пружат друга помош за да се надмине кризата во Вашиот Сојуз, со цел да се одржи Европското синдикално движење колку што е можно поеинствени и посилно, пишува во соопштението.