Припадници на Одделение за потраги и интервенции при МВР ги лоцирало и ги лишило од слобода Горан М. викан „Петел“ (31) и Назим Г. (27), двајцата од Скопје, барани по судски наредби за издржување затворски казни.
Како што соопшти денеска МВР, Горан М. се барал за издржување казна затвор во траење од три години, а по наредба од Основен суд Скопје 1 – Скопје за сторено кривично дело „измама“, како и во врска со истрага од истиот суд поради основано сомневање дека сторил кривично дело „злосторничко здружување“ и „изработка и употреба на лажни платежни картички“ .
Тој во петокот утрото бил лоциран на булеварот АСНОМ, при што бил приведен и спроведен во КПУ затвор Скопје – притворско одделение.
Назим Г. вчера вил лоциран на улицата „Боро Менков“ и приведен во Полициската станица во Чаир по што е спроведен во КПУ затвор Скопје. Назим Г. се барал за издржување казна затвор во траење од три години по наредба од Основен суд Скопје 1 од Скопје за сторено кривично дело „убиство“.
