Турските воени авиони погодиле цели на ИД и при тоа „неутрализирале“ 38 борци на терористичката организација, соопшти денеска турската војска.
Војската наведе дека во текот на последните 24 часови турските ловци нанеле удари врз 28 позиции на ИД при што биле уништени засолништа, командни центри, оружје и возила на групата.
Турската војска пред повеќе од четири месеци ја започна операцијата „Еуфратски штит“ во северна Сирија, со цел да го прочисти регионот на границата од борците на ИД и од сириската курдска милиција Сили за заштита на народот, кои Анкара ги смета за терористичка организација.