Новоизбраниот претседател на САД Доналд Трамп на неговиот Твитер профил реагираше на тврдењето на севернокорејскиот лидер Ким Џонг-ун дека Пјонгјанг е близу до пробно лансирање на интерконтинентална балистичка ракета.
– Северна Кореја тврди дека е во последната фаза за развој на нукеларно оружје што ќе може да достигне делови на САД. Тоа нема да се случи!, напиша Трамп на Твитер.
Претходно, Ким изјави дека „истражувањето и развојот на најмодерната воена опрема активно напредува и подготовките за пробно лансирање на интерконтинентална балистичка ракета се во последна фаза“.