И покрај барањето на поголемиот дел од партиите конститутивната седница да ја води најстариот пратеник, правата седница на новиот пратенички состав ја отвори Трајко Вељаноски.
Според Оливер Спасовски од СДСМ, во деловникот пишува дека седницата треба да ја води најстариот пратеник.
– Не требанда претседава Вељаноски, треба најстариот пратеник. Продолжувате да го кршите деловникот, рече Спасовски, на што Вељаноски кратко одговори дека има разлика меѓу деловникот и праксата.
Собранието го избра Владимир Ѓорчев од ВМРО-ДПМНЕ за претседател на комисијата за избори, а конститутивната седница ќе продолжи по паузата, во 14:30 часот.