Поглаварот на Полската римокатоличка црква, аргхиепископот Јозеф Ковалчик денеска го оправда постоењето на така наречените „кутии за бебиња“, во кои мајките можат анониомно да го остават несаканото бебе.
Изјавата на Ковалчик уследи откако Обединетите нации апелираа да бидат забранети „кутиите за бебиња“.
Архиепископот Ковалчик истакна дека тие „прозорци на животот“ спасуваат човечки живот и се дел од традицијата на Полска, додавајќи оти земјата има „сопствен идентитет, култура и совест“.
Во ноември Комитетот на ОН за правата на детето соопшти дека „кутиите за бебиња“ треба да бидат забранети, бидејќи со тоа се лишуваат децата да научат кои им се родители.