Весникот „Билд“ тврди дека бројот на жртвите во нападот извршен со камион на божикниот панаѓур во центарот на германскиот главен град се искачил на 12, пренесува дописникот на МИА од Берлин. Тројца од повредените починале во берлинските болници, а деветмина на местото на инцидентот.
Според весникот, се уште нема официјална потврда за идентитетот на напаѓачот , но извори во германските служби за безбедност се сомневаат дека тој е Пакистанец или Авганистанец и дека во Германија пристигнал во февруари како бегалец.
Според германската новинска агенција ДПА, која цитира извори во службите за безбедност, тврди дека се работи за исламистички напад за кој истрага води федералното јавно обвинителство.