Лидерот на Беса, Биљал Касами на средбата со норвешкиот амбасадор, Арне Санес Бјорнстад разговарал за новонастанатата политичка ситуација. Како најдобро можно преодно решение тој посочил дека подобра варијанта би била формирање на Влада на широка коалиција која би била реформска а потоа и нови избори.
„Подобра варијанта за Македонија би била широка коалиција, која би составила Влада која би била реформаторска, Влада која би ја вратила Македонија во евроинтеграциските процеси и која би ги решила некои проблеми. После еден временски период би се организирале нови избори, нормални избори во нормални услови од кои би произлегла нова парламентарна гарнитура“, изјави Касами.