Германското Министерство за финансии денеска објави дека идната недела министрите за финансии на еврозоната ќе се сретнат за да разговараат за можно краткорочно ослеснување на условите под кои Грција ги исплаќа своите долгови.
– Еврогрупата очекува концепт предложен од страна на Европскиот механизам за стабилност (ЕСМ), кој што треба да да даде подобрување во начинот на кој што се менаџира грчкиот долг, изјави денеска портпаролката на германското Министерство за финансии Фредерике фон Тисенхаузен, јави дописникот на МИА од Берлин.
Според најавите од ЕСМ со новите предлози треба да се обезбеди стабилност во спроведувањето на препораките за исплаќање на грчкиот долг на долгорочен период.
Германија и Еврозоната редовно ги следат трендовите во во грчката економија кои што покажуваат знаци на заздравување, но кои што не се доволни за долгорочна стабилност при исплатата на долговите кон меѓународните доверители.