Корисниците од селото Катланово, Мотел Катланово, Младинска населба, селата Летевци и Катлановска Брезница и тунелот Катланово утре од 8:45 до 14:30 часот ќе останат без напојување со електрична енергија.
Од 8:30 до 15 часот, без струја ќе бидат и дел од корисниците од село Кондово, од 9 до 15 часот, дел од корисниците од селата Бунарџик и Ново Село, а од 11 до 13 часот корисниците од бул. „Македонска Војска“ број 36, 38 и 40 во општина Ѓорче Петров.
Како што информира Регионалниот центар за управување со кризи на град Скопје, причина за прекинот во снабдувањето со електрична енергија е изведувањето технички зафати во електро-мрежата од страна на екипите на ЕВН Македонија АД.