Речиси 16.000 луѓе биле принудени да ги напуштат своите домови во сирискиот град Алепо поради интензивните напади врз источниот дел на градот, кој е под контрола на бунтовниците, изјави денеска заменик генералниот секретар на ОН за хуманитарни прашања Стивен О’Брајан.
– Во оваа област веќе нема ниту една болница која е во функција, резервите со храна се речиси потрошени и се очекува уште илјадници луѓе да си заминат од градот доколку продолжат борбите во следните денови, истакна О’Брајан во писмена изјава.