Министрите Зоран Ставрески и Гордана Јанкуловска на жителите на охридското село Белчишта, каде најмногу се почуствува земјотресот од пред два дена во регионот на охридско им ветија помош и оти владата и овој пат како и секогаш ќе застане зад нив.
„Владата ќе им помогне на луѓето како и секогаш при елементарни непогоди. Ќе им помогнеме на луѓето да ги обноват своите домови, да се вратат да се чувствуваат безбедно и да продолжат да живеат нормално“, рече министерот за финансии Зоран Ставрески.
Според првичните проценки оштетени се околу 20 куќи и исто толку помошни објекти, како и неколку автомобили.Градоначалникот на Дебарца рече дека од понеделник комисијата која била формирана за проценка на штетите, излегува на терен.
Тој очекува дека владата ќе помогне во обесштетување на сите семејства и санирање на последиците.