„Никола Груевски ги понижи работниците со минимална плата најниска во земјите од регионот. Според Еуростат Македонија се наоѓа зад Албанија, Србија, Црна Гора и Босна и Херцеговина со само 160 евра минимална плата.
Никола Груевски се плаши од граѓаните затоа што не ги исполни нивните очекувања и ги понижи со мизерно ниски плати, па сега предизборно ветува зголемување на минималната плата.
И повторно ветува помалку од 16-те илјади денари кои ги нуди нашиот План за живот до крајот на мандатот и повторно ги дискриминира работниците од текститилната и кожарската индустрија за кои ветува помалку пари.
Груевски и ВМРО-ДПМНЕ немаат повеќе што да им понудат на граѓаните на Р.Македонија. Имаа 10 години да го подобрат животот на граѓаните и ништо не направија. Единствено што им останува е да го копираат Планот за живот и очајно да се обидуваат да им се приближат на граѓаните.
Граѓаните знаат и одлучни се дека за вистински промени потребна е нова одговорна влада! На 11 декември заедно да избереме Живот во Македонија“, се вели во соопштението на СДСМ.