Бројот на заразените со ХИВ вирусот во Русија драстично се зголемил речиси двојно во последните пет години – од 370.000 на 703.000 според официјални податоци.
– Во годинава што изминува бројот на заразените е за пет проценти поголем, отколку во 2011 година, што значи 62.000 случаи повеќе, изјави Вадим Покровски, кој го раководи Федералниот центар за борба против СИДА-та.
Независни експерти, меѓутоа сметаат дека реалната бројка на заразените е многу поголема од официјално познатата.
Според независни извори, над еден милион од вкупно 143 милиони лица се заразени од ХИВ вирусот во Русија.