Дополнителниот заменик министер за информатичко општество и администрација Александар Кирацовски оствари средба со претседателот и претставници на Синдикатот на работниците од управата, правосудните органи и здруженијата на граѓани на Република Македонија – УПОЗ.
– На средбата со претставниците од УПОЗ се разговараше за потребата од подобри услови за работа и подобрување на стандардот на вработените во јавниот сектор, потребата од укинување на казненото оценување врз вработените од јавниот сектор, ново, флексибилно работно време, како и за сериозна промена во голем дел од Законот за административни службеници и Законот за вработени во јавниот сектор, соопшти Кабинетот на Кирацовски.
Кирацовски изразил подготвеност и да придонесе барањата на УПОЗ кои се во насока за постигнување на професионална ефективна и мотивирана администрација во интерес на граѓаните на Република Македонија, да бидат во целост спроведени во наредниот период.
– Кирацовски ја акцентираше општествената потреба за силно и активно синдикално делување на синдикалните организации и изрази целосна подготвеност да даде значен личен придонес кон оваа цел, соопшти Кабинетот на Кирацовски.