Земјотрес со интензитет од 6,3 степени според Рихтер денеска го погоди источниот брег на Индонезија, соопшти националната геофизичка агенција.
Засега нема информации за евентуални жртви и причинета материјална штета, ниту е објавено предупредување за опасност од цунами.
Силниот потрес бил на длабочина од 12 километри под морското дно, а епицентарот се наоѓал на 157 километри од градот Туал, на Малукските острови.
Индонезија се протега врз т.н. Тихоокеански огнен прстен, реон со голема сеизмичка и вулканска активност.