Од денеска до сабота ќе биде затворена за сообраќај делницата меѓу Бистренци – Корешница на регионалниот патен правец Војшанци – Бистренци – Корешница.
Прекинот на сообраќајот, како што информира Диспечерско-информативниот центар на ЈП „Македонија пат“, е поради изведување градежно-асфалтерски работи. За време на градежните активности ќе биде поставена соодветна сообраќајна сигнализација.
Автомотосојузот на Македонија соопшти дека поради изведување работи на пат, сообраќајот на магистралниот пат Маврово – Дебар, на Мелнички мост, од денеска до понеделник ќе се одвива по една коловозна лента, наизменично.