Најдобро рангираниот македонски тенисер Томислав Јотовски експресно го заврши својот настапот на ИТФ Фјучерс турнирот кој се одржува во хрватскиот град Бол.
Откако вчера заедно со својот колега Дарко Бојаниќ од БиХ, беше елиминиран во 1.коло во игра на двојки, денеска Јотовски загуби и во поединечна конкуренција.
Јотовски во мечот против Италијанецот, Пјетро Лијарди освои само три гема, и тоа, еден во првиот и два во вториот сет, па со конечни 2-0 (6:1 и 6:2) за само 1 час и 36 минути игра го заврши своето учество на овој турнир.