Македонската тенисерка Лина Ѓорческа по голема борба во маратонски меч што траеше три часа и 32 минути во првото коло на фјучрсот во Санта маргерита ди Пула во Италија (награден фонд 25.000 долари) ја победи романската тенсиерка Елена Габриел Русе со 2-1 во сетови. Нашата тенисрка ја искористи четвртата меч топка во тај брекот, а успеа да спаси една во претходниот гем.
Првиот сет Ѓорческа го доби со 7:5 во гемови, а во следниот сет Русе возврати со истиот скор во гемови. Во решавачкиот сет беше 7:6 за Ѓорческа и 9:7 на поени. Двете тенисерки имаа по 8 брејка, а Русе имаше 13 двојни сервис грешки наспроти 3 на Ѓорческа.
Во следното коло противничка на Ѓорческа (трета носителка) ќе и биде Анастасија Грималска од Италија (288 место на ВТА листа).
Во конкуренција на двојки нашата тенисерка со Анастасија Комардина од Русија се рангирани како први носителки и во четвртфиналето ќе играат против тенсиерките од Италија Алиса Балдучи и Анастасија Грималска.