Поранешниот најдобар тенисер на светот Рафаел Надал изјави дека 2016 година била напорна за него.
– Ова беше тешка година за мене. Се повредив во најлош момент, што беше дополнителен проблем. Сепак имав добро враќање. Особено добар настап имав на Игрите во Рио, а на УС Опен работите не се одвиваа како што замислував, изјави Надал.
Надал во 2016 година го повреди зглобот на раката за време на Ролан Гарос, а поради повредата не играше ниту на Вимблдон. Настапи на Игрите во Рио, но е далеку од нивото на кое играше кога освои и вкупно 14 Грен слем титули.
– Ќе се обидам да се вратам на нивото кога освојував Грен слем титули. Тоа е сега моја цел, надополни Надал.
Надал се наоѓа на четвртото место на АТП листата.