Светската трговска организација (СТО) денеска ги ревидираше своите прогнози за растот на светската трговија за 2016 година, така што ги намали за повеќе од еден процентен поен, јавија американските медиуми.
Од Организацијата предупредуваат дека годинава трговијата ќе го забележи најмалото зголемување досега, сметано од периодот на светската финансиска криза.
Според новиот извештај на СТО, трговијата на светско ниво ќе нарасне само за 1,7 отсто. За споредба, очекувањата во април изнесуваа 2,8 отсто, а лани истите изнесуваа 3,9 отсто.