Шумската полиција заедно со полициски службеници од СВР Струмица, вчера, во реонот на село Хамзали во местото викано „Рудникот“-Струмичко, забележале непознати лица како бесправно вршат сеча на дабова шума и ги товарот во патничко возило. Истите и покрај дадениот знак да застанат со возилото тие се дале во бегство.
Според полицијата, по пристигнување во село Старо Балдовци, од возилото излегле непознатите лица и заедно со уште неколку непознати лица со секири, вили и дрвени предмети им упатиле закани на шумските полицајци, а го оштетиле и службеното возило. Во знак на предупредување, од страна на двајца шумски полицајци биле испукани два куршуми во воздух, по што лицата се дале во бегство.
Извршен е увид на местото на настанот, а при приведување на Ф.С.(21) од с.Старо Балдовци од страна на толпа луѓе бил блокиран патот. Во нападот од кршење на стакло од службеното возило телесно биле повредени двајца шумски полицајци и еден полициски службеник.
Полицијата презема мерки за целосно расчистување на случајот.
