Единицата за веродостојност во тенисот (TIU), објави дека истражува одредени неправилности поврзани со дуелот помеѓу Швајцарката Тимеа Башчински и Русинката Виталиха Дјаченко, одигран во првото коло на УС Опен. Споменатиот меч заврши со победа на Швајцарката 6-1, 6-1.
TIU соопшти дека на овој меч биле забележани невообичаени активности во обложувалниците.
„Како и во сите вакви случаеви TIU ќе ги разгледа деталите, ќе донесе одлука и доколку е потребно ќе изрече соодветни мерки. Добивме предупредување за мечот Дјаченко-Башчински кој се одигра на 30.август“,објави TIU.