Шеснаесет турски бизнисмени се уапсени денеска во рамки на истрагата против наводни поддржувачи на т.н. Фетулахистичка терористичка организација (ФЕТО).
Истанбулскиот суд издаде налози за апсења на бизнисмени, меѓу кои и Фарук Ѓулу, еден од браќата кои управуваат со синџирот Ѓулуоглу Баклавалар.
Истовремено, продолжува истрагата и против други 21 осомничен бизнисмен за членство во движењето на Фетулах Ѓулен.
Турските власти сметаат дека групата ФЕТО, чиј лидер е исламскиот проповедник Фетулах Ѓулен, кој живее во егзил во САД, е одговорна за неуспешниот обид за преврат во Турција на 15 јули.