Турскиот претседател Реџеп Таип Ердоган изјави денеска дека турските и американските сили се подготвени да ги истиснат борците на т.н. Исламска држава од сириското упориште Рака.
Ердоган изјави дека американскиот претседател Барак Обама предложил заедничка акција против припадниците на ИД за време на средбата на Г20 во Кина.
Тој дополни дека Турција нема да има „никакви проблеми“ во спроведувањето на таква акција, јави Би-Би-Си.
Американскиот Стејт департмент не ги потврди деталите од изјавата на Ердоган, но еден американски функционер рече дека е важно „локалните сили да бидат вклучени во борбата која води до трајно уништување на Исламска држава“.