Неколку терминали на аеродромот во Франкфурт итно се евакуирани поради закана од бомба, пренесе “Билд“. Полицијата веднаш го окупира аеродромот, а патниците со трчање излегуваа од него.
Германскиот весник наведува дека се бара еден патник кај кого е пронајдена сомнителна направа која би можела да биде наполнета со експлозив. Работата да биде уште посомнителна, патникот кога забележал дека е следен од безбедносните служби на аеродромот, исчезнал користејќи ја гужвата која се создала на аеродромот.
#Frankfurtairport I suppose they won't say why so people don't panic pic.twitter.com/WbnjlHNChB
— Steve Sosebee (@Stevesosebee) August 31, 2016
Преку официјалниот разглас на аеродромот, од сите патници беше побарано веднаш да излезат на отворен простор.
-Ги молиме сите патници веднаш да ја напуштат зградата, беше соопштено од официјалниот спикер. На социјалните мрежи постојано пристигнуваат информации од аеродромот, а еден од патниците напиша дека владее вистински хаос.
