Руското Министерство за одбрана утрово ја објави одлуката на врховниот командант Владимир Путин за нова вонредна проверка на борбената готовност на вооружените сили.
Вежбата ќе ги зафати јужниот, западниот и централниот округ, како и Северната флота, Воздухопловно-вселенските сили и Воено-десантните сили, соопшти генерал Сергеј Шојгу.
– Во согласност со одлуката на врховниот командант на Вооружените сили на Русија денеска ќе почне уште една во низата вонредни проверки. Војската на Јужниот, дел од силите на Западниот и средства од Западниот и Централниот воен округ, Северната флота, Главната команда на Воздухопловно-вселенските сили и Воздухопловно-десантните сили од 7 часот по московско време ја проверуваат борбената готовност – објави Сергеј Шојгу на седница на колегиумот на Министерството за одбрана на Русија.
Како што наведуваат руските медиуми, проверката ќе трае од 25 до 31 август.