Првите десет места на престижната Шангајската листа која беше објавена изутрина се резервирани за осум универзитети од САД и два од Британија.
Во најновото рангирање најдобар светски универзитет веќе 14 години по ред е Харвард, потоа следуваат Станфорд, Беркли, Кембриџ, МИТ, Принстон, Оксфорд, Калифорнија Тех, Колумбија и Универзитетот Чикаго.
Од регионот највисоко котира Универзитетот во Белград кој според најновото рангирање се пласира помеѓу 201 и 300 место.
Следуваат уште и Универзитетот во Љубљана кој се наоѓа помеѓу 401 и 500 место, исто како и Загрепскиот универзитет.
Шангајската листа секоја година ја објавува Универзитетот Циао Тонг од Шангај и е една од највлијателните во светот.
Клучни критериуми за рангирањето се бројот на објавени научни трудови во меѓународните списанија, цитираноста, бројот на добитници на Нобелова награда и Филдсови медали на сите кои учеле на одреден универзитет или таму работат.
Шангајската листа опфаќа само 2 проценти од светските универзитети.