Голоградите активистки на украинското здружение Фемен предизвикаа инцидент за време на масовниот протест против легализацијата на истополовите бракови во Париз.
Припадничките на Фемен почнаа да ги прскаат учесниците на протестот со спрејови наполнети со пудра, по што и го извлекоа подебелиот крај, но минаа без посериозни повреди. Со инцидентот активистките сакале да и дадат поддршка на геј популацијата, која според нив е дискриминирана.
На протестот во Париз, маршираа околу 70 илјади луѓе против планот за усвојување на законот со кој се предвидува можност за истополови бракови, како и право брачните двојки да посвојуваат деца. Законот треба да биде усвоен на почетокот на следната година.