Во центарот на струмичкото село Мокриево, вчера попладне во сообраќајна несреќа загина 23-годишно момче.
Според првичните информации, возачот на автомобилот излетал од патот и удрил во ограден ѕид од куќа, при што од силниот удар починал на самото место.
Увид на лице место извршил јавен обвинител и екипа од СВР Струмица и се утврдуваат причините за несреќата.
Вечерва околу 20:30 часот се случи уште една сообраќајна незгода, за среќа без повредени. Имено, на кружниот тек кај Алфа банка во Струмица, автомобил со германски регистарски таблички удрил во велосипедист. Сообраќајот на булеварот Ленинова околу два часа беше во прекин.
