„Г. Зоран Дамјановски е градоначалник на Општина Куманово 8 години и не изгради ниту еден капитален проект. Зоран Дамјановски не реши ниту едно крупно прашање и проблем, кој ги мачи кумановчани. А пред изборите вети многу, а ништо не изгради.
– Зад работата на Зоран Дамјановси се провлекуваат низа афери, хаотично финансиско работење на јавните прептријатија, матни бизниси и зделки. Граѓаните се разочарани од неговата работа.
– Ниту едно правдање на Дамјановски зошто Куманово стагнира не е издржано. Нема веќе оправдувања. Бидејќи постојано Дамјановски вината ја наоѓа кај другите, ние денес јасно и многу конкретно ќе посочиме што направи Владата за Куманово.
– Тука сме да потсетиме, бидејки и самите граѓани и жителите на Општина Куманово добро знаат и се благодарни дека:
- Патот Куманово – Пчиња го направи Владата на РМ,
- Патот Војник – Клечовце го направи Владата на РМ,
- Спортската сала во населба Карпош ја направи Владата на РМ,
- Спортската сала во дворот на Земјоделското училиште Киро Бурназ ја направи Владата на РМ,
- Автопатот Табановце – Куманово го направи Владата на РМ,
- Реконструкцијата на Општата болница во Куманово ја направи Владата на РМ,
- Со најсофистицирана медицинска опрема, кумановската болница ја опреми Владата на РМ,
- 3,5 милиони евра за градење водоводна и канализациона мрежа за кумановските села ги обезбеди Владата на РМ,
- До крајот на годината се очекува да завршат постапките околу тендерот и започнувањето на изградбата на првата траса од коридорот 8 – железничката пруга Куманово- с. Бељаковце што го обезбеди Владата на РМ,
- При крај се подготовките за започнување на изградбата, реконструкцијата и проширувањето на патот Куманово – Липково – Арачиново благодарејки на Владата на РМ,
- Благодарение на Владата на РМ, 170 кумановчани ќе можат да студираат во родниот град на дисперзираните студии по Геодезија и Информатика,
- Благодарение на Владата на РМ, многу кумановски земјоделци се стекнаа со субвенции и обработливо земјоделско земјиште
- Обезбедени се 10 милиони денари за набавка на темелен испустен вентил на Липковската брана од средствата на Владата на РМ.
- Се реставрираат 11 кумановски училишта (најповеќе во Македонија) со парите што ги обезбеди Владата на РМ.
- Владата на Република Македонија на Кумановската општина и подари нов автобус за превоз на учениците во кумановската општина.
- Од Грант донацијата на европската банка за развој, Владата на РМ обезбеди средства за целосно реновирање и модернизирање на основното училиште Браќа Миладиновци од Куманово.
- Владата на РМ обезбеди средства за ревитализација, реставрација и надградба на железничките станици во Табановце и Куманово.
- Во проектот 100 тениски игралишта, Владата на РМ обезбеди средства за тениско игралиште во Куманово.
- Од проекти Спортски фудбалски игралишта, Владата на РМ обезбеди средства за фудбалско игралиште во Куманово.
- Владата на РМ обезбеди амбулантно возило за јавното кумановско здравство опремено со софистицирана опрема за ургентна медицина.
- Владата обезбеди државно земјоделско земјиште под закуп за кумановските земјоделци.
- Владата ќе гради мини-хидроцентрала на цевководот од Глажња до Липковско Езеро.
– Почитувани ова се конкретни дела. Ова е трудот и делата на ВМРО-ДПМНЕ за Куманово, наспроти стагнацијата и хаосот на Зоран Дамјановски. И СДСМ и Дамјановски се свесни дека Куманово стана изолиран град. Но исто така треба да знаат дека Кумановчани ќе ги казнат поради тоа“, изјави Јордан Пачков, пратеник во Собрание на РМ.