„Ѓунер Исмаил покажа врвно непочитување спрема македонската историја, спрема македонската држава и спрема граѓаните на РМ.
– Бараме од СДСМ ако сака да покаже дека навистина ја осудува оваа изјава и да го разреши Ѓунер Исмаил од нивните редови. Во спротивно секое оградување на СДСМ по овакви сериозни теми, може да се смета за глума и ништо повеќе. Изјавите со кој се заканува дека со динамит ќе се рушат спомениците на македонските херои и дејци, преставува потценување на желбата за слобода и македонска државност.
– Никола Карев е еден од најсветлите ликови во македонската историја и ниту неговиот споменик заслужил динамит, ниту заслужил кон неговото дело да се говори со таков бес. Жално е што Исмаил говореше со огромен бес и омраза за спомениците, за оние кои што се бореле за слободата, што е несвојствено за човек кој себеси се нарекува интелектуалец.
– Ѓунер Исмаил најмалку што може да направи е јавно да им се извини на македонските граѓани. Ова е сериозен скандал од кој СДСМ проба да се дистанцира исто како што се обиде да се дистанцира од изјавите на Грчев, дадени за телевизија од соседството, во која ги навреди граѓаните и се потсмејуваше со македонската држава и култура, исто како што се огради од повикот на Фрчковски да се размонтираат спомениците со француски клуч.
– Не треба да се занемарат две работи, прво овие изјави се сериозен преседан и во себе носат порака на закана и атак спрема државноста и самобитта на Р.М. и македонската култура и второ, она што загрижува е дека во неколку месеци по трет пат се случува членови на СДСМ, да излагаат со слични ставови. Раководството на СДСМ иако константно се оградува од ваквите ставови, не превзема ништо конкретно за да тие закани престанат.
– Ѓунер Исмаил не е случаен човек, тој е еден од основачите на СДСМ, член на советот на основачи, член на советот за култура на СДСМ, поранешен министер во владите на СДСМ и портпарол на Црвенковски. Секое оградување од СДСМ е неискрено и е потценување на интелегенцијата на граѓаните.
– Бараме од СДСМ ако сака да покаже дека стварно ја осудува оваа изјава и да го разреши Ѓунер Исмаил од нивните редови. Во спротивно секое оградување на СДСМ по овакви сериозни теми може да се смета за глума и ништо повеќе“, изјави Александар Николоски, член на ИК на ВМРО-ДПМНЕ.