Турските власти денеска издадоа налози за апсење на 47 новинари.
Апсењата се во рамки на истрагата против лица поврзани со исламскиот проповедник Фетула Ѓулен, кого Анкара го обвинува дека стои зад обидот за преврат, извршен од фракција во Армијата со цел да бидат соборени од власт претседателот Реџеп Тајип Ердоган и неговата Партија на правдата и развојот.
Новинарите работеле за весникот „Заман“.
Полицијата упаднала во домот на еден од осомничените, Шахин Алпај, околу шест часот и по претресот на неговиот дом во центарот на Истанбул, кој траел околу два и пол часа, го привела.
Инаку Ѓулен кој е некогашен пријател на претседателот Реџеп Таип Ердоган, и кој подоцна му се спротивстави, го осуди воениот удар и демантираше каква било поврзаност со него.
По неуспешниот обид за преврат турските власти уапсија, почнаа судски процеси или отпуштија повеќе од 60 илјади војници.