СДСМ, на седницата за пратенички прашања му укажа на премиерот Никола Груевски, дека коалицискиот партнер ДУИ, поставувајќи незаконски знаме во кичевско и споменик на Адем Јашари во Радуша на тенк на АРМ е провокација.
„Изјавата на Ахмети дека никој не смее да ги симне знамињата е чин на политичка провокација. Не може за тендери и фотељи, коалицијата ВМРО-ДПМНЕ – ДУИ да функционира перфектно, а кога се работи за вакви суштински прашања да не можат да се договорат. Има перцепција дека сте како мали деца кои си играат со оган. Ве молиме покажете визија, и почнете да ги решавате меѓунационалните односи“, рече Гордан Георгиев.
Го праша премиерот дали мисли јавно да седне со Али Ахмети, но не на онаа маса на која сложните попови и во петок мрсат или за делење тендери, туку маса на која навистин а ќе се договорат.
Груевски одговори и потсети на случаите од Бит пазар, Шемшево, Радолишта, од пред десетина и повеќе години кога СДСМ бил на власт.
„Ние редовно разговараме со коалицискиот партнер. И не креираме тензии. Тоа се предизвици кои се случувале и во минатото. Живееме во држава со повеќе етнички заедници“, одговори премиерот.
„Недозволив е вакон несериозен одговор, враќањето во минатото не може да ве амнестира, вие ги креирате и Али Ахмети тензиите“, рече Георгиев, и повторно праша дали Груевски ќе седне да се договори со Ахмети заради сите граѓани и добрите меѓуетнички односи.
Груевски со ист одговор, дека такво работење е начин на владеење на СДСМ, а нивна преокупација се решавање на економијата и подобрување на животот.
Од видеото како течеше дебатата меѓу Георгиев и Груевски.