Турската полиција уапси денеска стотици воени офицери во воените бази во Дијарбекир и во други региони во југоисточна Турција, населена претежно со Курди, по обидот за воен пуч, изјавија претставници на безбедносните сили.
Воздушната база во Дијарбекир служеше минатата година како главна почетна точка за воздушните операции на турските власти против припадниците на Курдската работничка партија.
– Ниту еден авион денеска не полета, ниту слета во оваа база, изјави очевидец, јави Танјуг.
Неколку апсења се извршени и во други воени бази во провинциите Санлиурфа, Хакари и Бингол.