Екипите на територијалната противпожарна единица од Крива Паланка во текот на изминатите десет дена интервенирале на вкупно 10 пожари, од кои четири придизвикале поголема матријална штета.
Пожарите се пријавени во раните утрински часови, а причина е човечкиот фактор, информираат од ТППЕ Крива Палaнка.
– Нашите екипи досега имаа вкупно 10 интервенции на три локации. На 05.07 имавме интервенција во село Конопница, при што откако пожарот беше изгаснат, добивме повик дека повторно е активиран. За таа цел интеревенираа и екипите на ЈП Македоснки шуми подрачна единица Осогово Крива Паланка, изјави Иле Коцевски, командир на ТППЕ Крива Паланка.
Тој потенцираше дека со овој пожар биле опожарени 200 метри квадратни борова шума.
Истотака, локализиран е и пожар во месноста Орлов рид во село Градец, кој откако бил изгаснат, истиот повторно бил активиран.
– Освен на овие две локации интервенција имавме и во село Узем, во месноста Стара граница каде беше опожарено 1 хектар сува трева и неколку даба, изјави Коцевски.
Во споредба со лани кога имале 10 интервенции во текот на цел јули, сега бројката е двојно зголемена однсоно за 10 дена 10 интервенции.