Српскиот премиер Александар Вучиќ ги претстави новите, построги мерки во борбата против семејното насилство и насилството во општеството.
Според новите мерки сексуалното вознемирување е криминално дело, а се зголемуваат и минималните и максималните казни за сексуално насилство врз деца и беспомошни лица, како и за силување. За таквите дела предвидено е да нема да има условни казни.
За делата за кои досега беа предвидени казни од три години затвор, со новите мерки казната ќе биде пет години, а за делата за кои максималната казна беше 12 години затвор сега ќе изнесува 15 години.
Предвидено е и формирање на специјални полициски групи и се воведува безбедносна мерка за потенцијалните жртви на насилство – психосоцијален третман на насилникот и следење на неговото поведение.
Новите мерки ќе стапат во сила најдоцна со 1. јануари.
Во Србија нема казна за доживотен затвор.