Најдобрата македонска тенисерка Лина Ѓорческа конечно во четвртиот меѓусебен меч ја победи Русинката Анастасија Комардина.
Во меч од второто коло на фјучрс турнир во Бурса, Ѓорческа победи со 2-1 во сетови. Првиот сет со 6:3 во гемови и припадна на Комардина. Следните два убедливо со 6:1 и 6:2 ги доби Македонката и намали на 1-3 во меѓусебните дуели.
Мечот траеше еден час и 56 минути.
Утре во четвртфиналето нашата тенисерка ќе игра со победничката од дуелот Валерија Страхова (Украина) – Екатерина Георгадзе (Грузија).
Попладнево Ѓорческа ќе игра и во конкуренција на двојки.