Најдобрата македонската тенисерка Лина Ѓорческа се пласира во полуфиналето на фјучрсот во Торино. Таа денеска во четвртфиналето ја победи третата носителка Софија Шапатава од Грузија со 2-0 во сетови.
Првиот сет Ѓорческа го доби со 6:4 во гемови, а во вториот, иако губеше со 4:5, стигна до 7:5 со три освоени гема во серија.
Противничка на Македонката во полуфиналниот меч ќе биде подобрата од дуелот Монсерат Гонзалез (Парагвај) – Ирене Буриљо (Шпанија).
Ѓорческа попладнево ќе настапи и во игра на двојки. Заедно со партнерката Далила Јакупович од Словенија игра меч од полуфиналето.