Македонскиот тенисер Горазд Србљак успеа да се пласира во 2.коло на фјучрсот во Скопје откако со 2-1 во сетови го победи Вулнет Таши од Швајцарија.
Првиот сет го освои Таши со 7:4 во тај брејк, а следните два со многу подобра игра му припаднаа на Србљак со 6:3 и 6:1 во гемови. Србљак покрај Томислав Јотовски е македонски тенисер во второто коло, но и двајцата утре ќе играат со првите двајца носители. Јотовски против првиот носител Ричард Габ од Велика Британија, а Србљак против вториот носител Клаудио Фортуна од Италија.
Другите македонски тенисери во сингл ги загубија мечевите. Финалистот на претходниот фјучрс Димитар Грабул загуби со 2-0 (6:1 и 6:4 во гемови) од Борна Гојо од Хрватска. Бесир Дургути беше поразен од Љубомир Челебиќ од Црна Гора со 2-0 во сетови (6:0 и 6:3), додека Шендрит Деари го предаде мечот на Франческо Грацели од Италија при резултат 6:4 и 4:0 во гемови за Грацели.
Попладнево во двојки ќе играат во четвртфиналето Предраг Русевски и Томислав Јотовски против Љубомир Челебиќ и Дарко Јандриќ, а меч во двојки ќе има и Деари со Таши против хрватските тенисери Гојо и Биљешко.