Непишано правило на Вимблдон, кога станува збор за облекување, е дека тенисерите да се облекуваат во бела облека. Но ова правило често им задава главоболка на дизајнерите на спортска опрема кои се обидуваат да додадат малку боја, а да не ја налутат пребирливата „модна полиција“.
Оваа година Најк предизвика многу вниамние и коментари за она што им го понуди на спортистките.
Новата линија на спортска облека за тенисерки наречена „NikeCourt Premier Slam“ е предмет на расправа со оглед на тоа што потсетува на кратка, проѕирна ноќница и според многумина, нешто што би требало да се носи само зад затворени врати.
Облеката открива премногу, особено во текот на ветровити денови, па Најк испрати мејл во Си-Ен-Ен во кој појасни дека фустаните сепак теба малку да се поправат.
– Производите не се повлечени, а измените често ги правиме веднаш по желба на нашите клиенти. Се обидуваме да направиме на теренот да се чувствуваат добро и удобно и да го дадат свој максимум, рече портпаролот на Најк.
Канаѓанката Ежени Бушар рече дека убав е фустанот, бидејќи и краток, а токму такви ги сака, додека некои тенисерки биле принудени во почетокот на турнирот сами да направат промени на фустаните, па некои од нив ги врзувале краевите на фустаните во чворови.