Со одигрување на денешните шест натпревари беше комплетирано 3. коло на Вимблдон во машка конкуренција.
Маратонски меч одиграа Жо-Вилфред Цонга и Џон Изнер. По пет сета игра во меч што траеше 4 часа и 24 минути победа од 3:2 оствари Цонга, кој решавачкиот сет го доби со 19:17 во гемови.
Покрај Цонга од Франција пласман во осминафиналето изборија уште и Лукас Пуиле и Ришар Гаске. Третото коло успешно го минаа и двајца тенисери од Чешка Томаш Бердих и Јиржи Весели, а на триумф денеска се радуваше и Ник Киргиос од Австралија.
Инаку, ова е по четврти пат во историјата на Вимблдон да се играат мечеви во „првата недела“.
Утре на Вимблдон на програмата се осминафиналните мечеви во двете конкуренции.