Најдобрата македонска тенисерка Лина Ѓорческа успеа да триумфира во конкуренција на двојки на фјучрсот во Штутгарт. Таа заедно со Флоренција Молинаро од Аргентина ја оправдаат улогата први носителки. Во финалето ги победија Аминат Кушхова (Русија) и Диана Сумова (Чешка).
До победата стигнаа со пресврт откако првиот сет го загубија со 6:1 во гемови, во следниот тие беа подобри со истиот резултат во гемови. Во решавачкиот сет беше 10:7 на поени за Ѓорческа и Молинаро. Ова за Ѓорческа е трета турнирска победа во 2016 година во двојки, или вкупно 30.та во кариерата.
Во поединечна конкуренција нашата тенисерка има седум турнирски победи, а денеска од 14 часот ќе игра во финалето на истиот фјучрс против Далила Јакупович од Словенија.