Во Собранието на Република Македонија денеска седници ќе одржат комисиите за прашања на изборите и именувањата и за транспорт, врски и екологија.
На дневен ред на седницата на Комисијата за прашања на изборите и именувањата е заклучокот по Огласот за избор на член на Судскиот совет на Република Македонија што го избира Собранието на Република Македонија.
Комисијата за транспорт, врски и екологија треба да го разгледува Годишниот извештај за работата на Агенцијата за пошти во 2015 година.