Селекторот на кошаркарската репрезентација на Соединетите Американски Држави, Мајк Кжижевски го објави списокот на играчи со кои ќе настапи на Олимписките игри во Рио Де Жанеиро.
На списокот на Кжижевски се наоѓаат: Кајри Ирвинг, Клеј Томпсон, Џими Батлер, Кајл Лаури, Демар Дерозан, Кевин Дурант, Кармело Ентони, Пол Џорџ, Дрејмонд Грин, Харисон Барнс, Демаркус Казинс и Деандре Џордан.
Изминатите неколку дена своето учество на ОИ во Бразил го откажаа двете најголеми ѕвезди на американската и светска кошарака во моментов Стеф Кари и Леброн Џејмс.
ОИ во Рио се на програмата од 5-21 август.
САД се победници на кошаркарскиот турнир на последните две изданија од Олимпијадите, во Лондон 2012 и во Пекинг 2008 година.