Хрватскиот фудбалски шампион Динамо Загреб го назначи Златко Крањчар за наследник на Зоран Мамиќ на тренерската позиција.
Крањчар „модрите“ ги предводеше и во минатото во неколку наврати. Како тренер на Динамо има освоено две шампионски титули и два национални купа во Хрватска.
Промоцијата на својот нов тренер Динамо ја најави за утре, а веќе од сабота клубот заминува за соседна Словенија на подготовки за квалификациските натпревари од Лигата на шампионите против македонскиот првак Вардар.