Оваа Влада е политичка, не е Влада за спроведување на изборите бидејќи нема датум за нивно одржување и ние сме концентрирани на реализација на програмата, изјави премиерот Емил Димитриев по денешната посета на Агенцијата за финансиска поддршка на земјоделството и руралниот развој.
– Не знам зошто повеќе се користи терминот техничка влада. Законот е многу јасен – техничка влада, односно влада за спроведување на изборите се формира 100 дена пред изборите.
Во периодот пред и потоа си функционира политичка влада концентрирана на реализација на програмата со која го добила мандатот, рече Димитриев одговорајќи на новинарско прашање.