Љупчо Николовски, член на Извршен одбор на СДСМ денеска поднесе кривична пријава против актуелниот заменик-министер за економија Христијан Делев.
Според Николовски, Делев треба да одговори како склучувал договори за ослободување на фирми блиски до власта од плаќање закупнина за огромни површини од над 5 илјади хектари, државно земјоделско земјиште.
Како што рече тој, Делев потпишал анекс договори со АК „Џумајлија“ за ослободување од закупнина за 5.642 хектари. Дополнително, како што рече, потпишувал анекс договори за ослободување од плаќање закупнина за фирмата „Лозарство Таринци“ за 334 хектари, за „Вардар Градско“ за 3.220 хектари државно земјоделско земјиште.